Voy camín de los dos años fuera’l llar. Y fáese complicao les más delles veces. La tierra tira, como la cabra’l monte, pero nun ye menos cierto que colos años vas viendo les coses de formes distintes. Agora mesmu, n’Asturies ye percomplicao trabayar y munchu más facelo de manera honesta y xusta. Somos un pueblu pequeñu y alcontrar un puestu pa tós y cada un, antóxaseme un sueñu.
Tamos siempre añorando les bondáes delles sos xentes, los paisáxes, lo bien que se come o lo llambiónes que somos pero no vivimos precisamente na tierra les oportunidáes.
Güei, a pesar de que ye un día festivu pa to los asturianos toy dispuestu facer un alegatu contra los asturianismos baratos de bandera y montera picona de cartulina comprada en los veinte duros. Salir de casa ye un exercíciu sanu, d’oxixenación personal y profesional. Nin somos los meyores nin lo tenemos todo nin somos los más llistos. La formación intelectual fora ca ye pernecesaria. El problema ye que llueu nun podemos volver coles coses que traemos nel zurrón.
Hai que desenroscar la montera. Ye buena hora.
Feliz día d’Asturies a tós.
No hay comentarios:
Publicar un comentario